Rubero
ĉiutage -movado
in English
auf deutsch
på svenska
in italiano
en español
en català
portugues
på norsk
på dansk
nihongo
en français
Kiswahili
"En
eta faro povas loĝi granda animo", diras Raimo O. Kojo, verkisto
kaj membro.
"Eta levo fare de homo,
granda levo al la homaro", Lotta Vartola, 11 j.
Bonvenon
en la movadon de koro kaj konscienco!
En
Finnlando kaj preskaŭ ĉie en la mondo disĵetado de ruberoj estas
ĝenerala kutimo. Pensanta homo tamen al si metas la demandon, kiu
antaŭas ĉian evoluon:
Ĉu nepre devas esti tiel?
Ĉu estas prudente elspezi nian impostan monon por forigado de
rubaĵoj teren ĵetitaj de sanaj homoj? Oni ja povus ŝpari por
prizorgi infanojn, malsanulojn kaj maljunularon.
- Ĉu ni permesu, ke multaj bestoj vundiĝos aŭ mortos pro rubaĵoj
disĵetitaj de homoj ? demandas Tuula-Maria Ahonen, redaktorino, kiu
kun siaj filinoj Iisa kaj Ilona en 2000 fondis la movadon.
En sia mano Tuula-Maria havas vitrerojn kolektitajn de sur roko. La
vitreroj facile vundus piedon de la tiam 4-monata hundido Iines.
Ĉitie vi trovos instigon speciale celitan al hundoposedantoj kaj
geamikoj de bestoj. Printu la inviton kaj portu al afiŝtabulo de
hundoparko.
Estas facile malaprobi personojn, kiuj disĵetadas rubojn, sed kion
tio ŝanĝos?
La membroj de la movado Rubero ĉiutage elektis alian vojon.
- Ni forprenas ĉiutage almenaŭ unu ruberon kaj instigas unu el niaj
gekonatoj aliĝi al la movado.
Ju malpli da rubaĵoj videblas, des malpli disĵetiĝos.
Senruba
ĉirkaŭaĵo pliigas la sekurecsenton de homoj. Multruba medio
pliigas
sensekurecon kaj problemojn. Nia movado fondita antaŭ 6 jaroj igis
multajn disĵetemulojn pripensi kaj ŝanĝi siajn kutimojn.
Troveblas membroj en ĉiuj kontinentoj. La plej sudaj membroj loĝas
en Aŭstralio, la plej nordaj en Laponio.
Por membriĝi en de la movado Rubero ĉiutage oni bezonas nek plenigi
aliĝilon nek pagi kotizon. Sufiĉos, ke vi levu ruberon de sur la
tero kaj enrubujigu ĝin kaj instigu almenaŭ unu plian homon aniĝi.
La engaĝiĝo dependas de via emo.
Estas grave enmeti la kolektitajn rubaĵojn en taŭgajn laŭspeciajn
ujegojn por reutiligado. Se troviĝas ne sufiĉe da tiaj rubujegoj,
ankaŭ unuopa homo povas peti pliajn de la responsuloj de la komunumo
aŭ urbo.
La naturo apartenas al ni ĉiuj. En la movado Rubero ĉiutage
membras geknaboj, gejunuloj, plenkreskuloj, pensiuloj kaj familioj.
Aliĝis ankaŭ lernejoj en diversaj landoj de la mondo. Unu homo faras
tre malmulte, sed kune ni faros medion pli sekuran kaj pli plaĉan al
homoj.
Oni sentas sin bone, se oni zorgas pri sia ĉirkauaĵo, kaj kelkfoje
okazas, ke ankaŭ la najbaroj dankas.
La movado Rubero ĉiutage estis elektita La Vizio de la Jaro 2001. La
movado estis ankaŭ akceptita en la internacia ideobanko, kie estas
kolektataj sociaj ennovaĵoj. Iru al la paĝoj
de la ideobanko por
voĉdoni. Tie la movado nomiĝas Littermovement.
Aldone al la movado Rubero ĉiutage Tuula-Maria Ahonen fondis ankaŭ
la movadon Pli profunda plezuro.
"Neniu faris pli grandan eraron ol tiu, kiu nenion faris, ĉar li
povis fari nur malmulton", Edmond Burke, filozofo.
Por enskribiĝi en retpoŝtan liston, sendu malplenan mesaĝon al:
roskaliike-subscribe@yahoogroups.com
Aŭ skribu vian retpoŝtan adreson en la suban “enter email address” –kadrumon kaj klaku “Enter”.
webmaster